بە ڕاپۆرتی ئاژانسی هەواڵی مێهر، سەید ئیبراهیم ڕەئیسی سەرۆک کۆماری ئێران لەسەر داوای فەرمی هاوتا ڕووسیاییەکەی خۆی و لە درێژەی پەرەپێدان بە هاوکارییە ئابووری، سیاسی و فەرهەنگییەکان، سبەینێ چوارشەممە دەچێتە ڕووسیا.
ناوبراو لە ئەو سەفەرەدا لەگەڵ ڤیلادمیر پووتین سەرۆک کۆماری فیدراسیۆنی ڕووسیا دیدار دەکات.
بەشداری و لێدوان لە کۆبوونەوەی گشتی مەجلیسی دوما، دیدار لەگەڵ ئێرانییەکانی دانیشتووی ڕووسیا و کۆبوونەوەی هاوبیری لەگەڵ چالاکانی ئابووری ڕووسیا، بەشێک لە بەرنامەکانی سەرۆک کۆمار لە ئەو سەفەرە دوو ڕۆژەیە.
وەزیرانی دەرەوە، نەوت و کاروباری ئابووری و دارایی ڕەئیسی لە ئەو سەفەرە هاوڕێیی دەکەن.
Your Comment